Aqtóbe oblysyndaǵy birqatar joldarda kólik qozǵalysy shekteldi
NUR-SULTAN. QazAqparat – Atóbe oblysynyń birqatar jol ýchaskesinde kólik qozǵalysyna shekteý qoıyldy, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram arnasyna silteme jasap.
«Aqtóbe oblysynda 2021 jylǵy 10-qańtar saǵat 10:45-ten bastap aýa raıynyń buzylýyna baılanysty (jańbyr aralas qar túrindegi jaýynnyń kóp mólsherde túsýi) «Samara-Shymkent» avtomobıl jolynda, Batys Qazaqstan oblysy - Qobda aýyly (526-615 shaqyrymy) ýchaskesinde qoǵamdyq kólikterdiń qozǵalysyna shekteý qoıyldy. Ýchaskege arnaıy tehnıkanyń 31 birligi jumyldyrylǵan»,-delingen habarlamada.
