Aqtóbe oblysynda joldar ashyldy
AQTÓBE. QazAqparat – Aqtóbe respýblıkalyq mańyzy bar joldar qaıta ashyldy, dep habarlaıdy QazAqparat tilshisi.
Búgin tańerteń kóktaıǵaqqa baılanysty respýblıkalyq, halyqaralyq mańyzy bar joldar jabylǵan bolatyn.
«27 jeltoqsan kúni saǵat 15:20-da aýa raıynyń ózgerýine baılanysty Samara - Shymkent tasjolynyń Qobda – Batys Qazaqstan oblysy, Bekqul baba aýyly - Qarabutaq aýmaǵy, Qandyaǵash – Embi – Shalqar – Yrǵyz arasyndaǵy joldardan shekteý alyndy. Sonymen qatar «Aqtóbe-Atyraý-Astrahan» tasjolynyń Qaraýylkeldi aýyly – Atyraý oblysy arasy ashyq. Aqtóbe qalasy – Mártók – Orynbor arasy men Soltústik aınalma jolmen júrýge bolady», - dep habarlady oblystyq PD baspasóz qyzmeti.
