Aqtóbe oblysynda jol jóndeý jumysyndaǵy túıtkildi máseleler qandaı
Aqtóbe - Atyraý tasjolynyń eń mańyzdy «Aqtóbe-Qandyaǵash» aralyǵynda qaıta jańǵyrtý jumysy júrip jatyr.
Oblys ákimi Eraly Toǵjanov sol joldyń qurylysymen tanysty. Jobada joldy 4 jolaqqa deıin keńeıtý, kópirler, mal ótkelderi jáne temirjol arqyly ótetin jol ótkelderin salý qarastyrylǵan. Nysan 2023 jyly paıdalanýǵa beriledi.
Qarasha aıynda avtojoldyń asfalttalǵan eki jolaǵy boıynsha qos baǵytqa jol ashý josparlanyp otyr.
Sondaı-aq, oblys ákimi 41-razezd aýdanyndaǵy Aqtóbe qalasynyń Ońtústik aınalma jolynyń qaıta qurylysymen tanysty.
Eraly Toǵjanovtyń tapsyrmasy boıynsha atalǵan ýchaske arqyly jol júrý jyl sońyna deıin ashylady.
Al Elek ózeni arqyly ótetin kópirden «Aqtóbe-Orsk» (Aqjar tas joly) avtojolyna deıingi joldy qaıta jańǵyrtý jumysy keler jyly aıaqtalady.
Jóndeletin ýchaskeniń uzyndyǵy - 9,2 shaqyrym. Joldy 4 jolaqqa deıin keńeıtetin qaıta qurý jumystary 2023 jyly aıaqtalýy kerek.
Kelesi jyly uzyndyǵy 38,2 shaqyrym bolatyn «Aqtóbe-Rodnıkovka-Mártók» avtojolynyń ortasha jóndeýi aıaqtalady. Oblys basshysyna jumystardyń keste boıynsha júrgizilip jatqany baıandaldy.
Jumys sapary Aqtóbe qalasynyń Batys aınalma joly avtojolynyń qurylysymen tanysýmen jalǵasty.
Uzyndyǵy 8,3 shaqyrym bolatyn bul magıstral «Samara-Shymkent» jáne «Aqtóbe-Mártók - RF shekarasy» trassalaryn jalǵaıdy.
Aıta keteıik, jobany júzege asyrý úshin 2000 tonna bıtým saqtaıtyn asfalt-beton zaýyty salynady.
Bul bıtýmdy qysta, suranystyń tómendegen kezinde satyp alýǵa múmkindik beredi.
Sonymen qatar oblys ákimi Táýelsizdik dańǵylyndaǵy avtojoldy 8 jolaqqa deıin jáne Batys-2 shaǵyn aýdanyndaǵy M.Shoqaı kóshesindegi joldy 6 jolaqqa deıin keńeıtý jumystarymen tanysty.
Іshinara kólik qozǵalysy úshin ashylǵan joldardy qaıta qurý jospar boıynsha júrgizilip jatyr.
Jol qurylysy barysymen tanysý kezinde óńir basshysy jaýapty memlekettik organdar men merdiger uıymdarǵa birqatar tapsyrma berdi.
Ol barlyq nysandarda bıtým tapshylyǵy baıqalatynyn jáne bul máseleni birinshi kezekte sheshý qajettigin atap ótti.
«Barlyq joba men merdiger boıynsha jumys kestesi jasalyp, qatań baqylaý talap etiledi. Qazir bıtým máselesi boıynsha kelissózderge kiristik, sonymen qatar qys mezgilinde osy ónimdi satyp alý tájirıbesin keńeıtý múmkindigin zerdeleý qajet. Bul týraly óndirýshi zaýyttar tarapynan da suranys túsip jatyr», - dep atap ótti Eraly Toǵjanov.
Sondaı-aq, aımaq basshysy Eset batyr atyndaǵy turǵyn úı alabynyń 4-shaǵyn aýdanynda mektepti paıdalanýǵa berýdi jedeldetýdi tapsyrdy.
Bir aýysymda 900 oqýshy bilim alatyn mektep bıyl ashylady. Qurylys kezinde merdigerler jumys júrgizý merzimin buzǵan.
Ǵımarat 2019 jyly paıdalanýǵa berilýi kerek bolatyn. Qazirgi ýaqytta ishki árleý jumystary júrgizilip jatyr.
Jospar boıynsha 10 qyrkúıekte aıaqtalýy tıis. Ǵımaratty qarap shyqqan oblys ákimi merdigerdiń mardymsyz jumysyn atap ótti.
Qurylysty tek 25 adam oryndaıdy, al mundaı úlken jumys kólemine keminde 100 jumysshy qajet. Eskertýdi qysqa merzimde joıý tapsyryldy.
Eske sala keteıik, Eraly Toǵjanov eki jyl ishinde Aqtóbe oblysyndaǵy apatty jáne úsh aýysymdy mektepter máselesin tolyǵymen joıý mindetin qoıdy.
