Aqtóbe oblysynda jol jáne patrýldik polıtsııa jasaqtarynyń tyǵyzdyǵy kóbeıtildi
AQTÓBE. 29 naýryz. QazAqparat - Naýryz aıynyń 28-nen 30-na deıin Aqtóbe oblysynyń aýmaǵynda «Jaıaý júrginshi» jedel-aldyn alý sharasy ótýde, dep habarlady oblystyq ІІD-niń baspasóz qyzmetinen.
Jedel-aldyn alý sharasyn ótkizý kezinde adamdar kóp jınalatyn jerlerde jol jáne patrýldik polıtsııa jasaqtarynyń tyǵyzdyǵy kóbeıtildi, kóliktik quraldar júrgizýshileriniń jyldamdyq rejımin saqtaý boıynsha baqylaý kúsheıtildi.
Jaıaý júrginshiler jol qozǵalysy erejelerin jıi buzatyn oryndarda jol polıtsııasynyń jasaqtary tur.
Osylaısha, birinshi kúnniń qorytyndylary boıynsha JPB-nyń ınspektorlary jol qozǵalysyn buzýdyń 483 faktisin anyqtady, sonyń ishinde 51 júrgizýshi jaıaý júrginshilerdi ótkizbese, 142 jaıaý júrginshi joldardy anyqtalmaǵan oryndarda ótken.
Júrginshilerge baılanysty ákimshilik hattamany toltyrý úshin ózimen birge jeke kýáliktiń bar bolýy qajet. Qujattary joq jaıaý júrginshilerdi polıtseıler polıtsııanyń jaqyn jerde ornalasqan bólimine jetkizip, onyń tulǵasyn anyqtap, ákimshilik hattama toltyrady.
Jyl basynan beri 2291 jaıaý júrginshi ákimshilik jaýapkershilikke tartylǵan. Jaıaý júrginshilerdiń qatysýymen bolǵan jol-kólik oqıǵalarynda 45 adam zardap shegip, 9 jaıaý júrginshi qaza tapty.
