Aqtóbe oblysynda jol jabylyp, kólik júrýine tyıym salyndy
AQTÓBE. QazAqparat - Aqtóbe jáne Atyraý oblystarynda aýa raıynyń buzylýyna baılanysty birqatar jol jabyldy, dep habarlaıdy QazAqparat.
Qazaqstan joldarynyń jaǵdaıynan habar beretin ınteraktıvti kartaǵa kóz salsaq, batys aımaqtarda boran kúsheıip tur.
Osyǵan baılanysty 14 qańtar keshki saǵat 21:30 bastap «Aqtóbe - Atyraý - RF shekarasy» avtojolynyń 245-330 shaqyrymynda avtokóliktiń barlyq túrine júrýge tyıym salyndy.
Bul - Qaraýylkeldi aýylynan Atyraý oblysynyń shekarasyna deıingi aralyq.
Sonymen qatar Aqtóbe qalasynyń mańyndaǵy Soltústik aınalma jolynyń 25-39 shaqyrymynda da 15 qańtar túngi 00:10 bastap kólik qozǵalysyna shekteý qoıylǵan.
