Aqtóbe oblysynda jol ústi mıyna qan shapqan júrgizýshi aýrýhanaǵa jetkizildi
ASTANA. QazAqparat - Aqtóbe oblysynda kúre jol boıyndaǵy dámhanada densaýlyǵy kúrt nasharlaǵan er adam shuǵyl aýdandyq aýrýhanaǵa jetkizildi, dep habarlaıdy «QazAqparat» HAA QR ІІM TJK baspasóz qyzmetine silteme jasap.
«Búgin 09:30-da Aqtóbe oblysynyń «Qarabutaq» trassalyq medıtsınalyq-qutqarý beketine jol boıyndaǵy dámhanalardyń birinde er adamnyń jaǵdaıy kenet nasharlap, esinen tanǵany týraly habar keldi. Qutqarýshylar 3 mınýttan soń oqıǵa ornyna jetti», - delingen habarlamada.
57 jastaǵy alys jolǵa júretin júrgizýshi kómekshisimen birge KamAZ avtomashınasymen Qostanaıdan Qyzylordaǵa bara jatqan. Jolda onyń densaýlyǵy syr bere bastap, jol jaǵasyndaǵy dámhanalardyń birine toqtaǵan.
Dárigerler teksergende ol tilge kele almaǵan, qaı mezgil, óziniń qaıda ekenin bilmegen. Aldyn ala mı qan aınalymynyń ótkir buzylýy (ınsýlt) dıagnozy qoıylyp, emdeý sharalary bastaldy.
20 mınýt ishinde er adam Áıteke bı aýdandyq aýrýhanasyna jetkizildi.
Qazirgi kezde ony dárigerler qatań qadaǵalap otyr, densaýlyq jaǵdaıy qalypty.
