Aqtóbe oblysynda jol apatynan úsh adam mert boldy

AQTÓBE. QazAqparat - Aqtóbe oblysynda jol apatynan eki júrgizýshi men jolaýshy kóz jumdy, dep habarlaıdy Polisia.kz.

30 qazan saǵat 19:45 kezinde Qobda – Jırenqopa avtojolynyń 324-shaqyrymynda VAZ-2110 avtokóliginiń 24 jastaǵy júrgizýshisi joldyń qarsy jolaǵyna shyǵyp, Qobda aýdanynyń 38 jastaǵy turǵyny tizgindegen Lada Vesta avtokóligimen soqtyǵysqan.

Jol-kólik oqıǵasynan eki júrgizýshi jáne Lada Vesta avtokóliginiń jolaýshysy oqıǵa ornynda qaıtys boldy.

Atalǵan fakti boıynsha QR QK-niń 345-baby 4-bóligimen sotqa deıingi tergeý bastaldy.

Polıtsııa departamenti jol qozǵalysy qatysýshylaryna jol qozǵalysy erejelerin múltiksiz saqtaýǵa shaqyrady.

Foto: polisia.kz