Aqtóbe oblysynda jol apatynan eki sheteldik azamat qaıtys boldy

AQTÓBE. QazAqparat - Aqtóbe oblysynda jol apatynan eki sheteldik azamat qaıtys boldy, dep habarlaıdy QazAqparat polisia.kz telegram kanalyna silteme jasap.

16 mamyr kúni Samara-Shymkent avtojolynyń 824-shaqyrymynda Toyota RAV-4 jáne Chevrolet Lacetti avtokólikteri soqtyǵysqan. Chevrolet kóliginiń júrgizýshisi men jolaýshysy, Ózbekstan Respýblıkasynyń azamattary oqıǵa ornynda qaza tapty.

Sondaı-aq, Chevrolet avtokóliginiń úsh jolaýshysy jáne Toyota RAV-4 kóliginde bolǵan 5 jasar balasy bar erli-zaıyptylar medıtsınalyq mekemege jatqyzyldy.

JKO faktisine qatysty tergeý bastaldy.