Aqtóbe oblysynda jol apatynan 7 adam qaza tapty

ASTANA. QazAqparat - Aqtóbe oblysynda iri jol apaty bolyp, 7 adam qaza tapty, dep habarlaıdy QazAqparat Rolisia.kz saıtyna silteme jasap.

«22 qarashada Muǵaljar aýdany Elek aýylynyń janyndaǵy Aqtóbe - Astrahan avtojolynda VAZ-2114 kóliginiń júrgizýshisi ekinshi joldan basty jolǵa shyǵyp, 43 jastaǵy júrgizýshiniń basqarýyndaǵy Lada Largus avtokóligimen soqtyǵysqan. Lada qarsy baǵyttaǵy Kia Sorento kóligimen soqtyǵysty.
Apat saldarynan Lada Largus avtokóliginiń júrgizýshisi men 6 jolaýshy oqıǵa ornynda qaza tapty» delingen habarlamada.
Sondaı-aq, Kia avtokóliginiń 4 jolaýshysy dene jaraqatyn alǵan.

Vıdeodan alynǵan kadr: t.me/POLICE_of_KZ