Aqtóbe oblysynda jol apatynan 4 adam mert boldy
AQTÓBE. QazAqparat - Aqtóbe oblysynda «Qarabutaq–Qostanaı» avtojolynda jol-kólik apaty saldarynan 4 adam qaza tapty, dep habarlaıdy QazAqparat Polisia.kz saıtyna silteme jasap.
«25 aqpan kúni saǵat 13:00-de Ólke kenti aýdanyndaǵy «Qarabutaq-Qostanaı» avtojolynda 4 adam qaza tapty. Aldyn ala málimetter boıynsha, Armenııa elinde esepte turǵan «Honda» (mınıven) avtokóligi qarsy baǵytqa shyǵyp ketip, Almaty oblysynyń 52 jastaǵy turǵynynyń basqarýyndaǵy «Volvo» júk kóligimen soqtyǵysqan. Jol-kólik oqıǵasynyń saldarynan «Honda» júrgizýshisi men ondaǵy úsh jolaýshy oqıǵa ornynda kóz jumdy. Osyǵan baılanysty Polıtsııa departamenti jol qozǵalysy erejelerin saqtaýdy, jol belgileriniń talaptaryn oryndaýdy eskertedi», - delingen aqparatta.
