Aqtóbe oblysynda jol apatynan 3 adam qaza boldy
AQTÓBE. QazAqparat - Aqtóbedegi munaıly aýdanynda jol-kólik oqıǵasy bolyp, 3 adam qaza tapty, dep habarlaıdy QazAqparat tilshisi.
«Búgin saǵat 08:00-de «Jańajol-Severnaıa Trýva» jolynda jol-kólik oqıǵasy tirkeldi. Kúzet qyzmetine tıesili «PAZ» avtobýsy men sý tasıtyn «Ýral» markili kóligi soqtyǵysty. Sonyń saldarynan avtobýs júrgizýshisi men 2 jolaýshy kóz jumdy. Sonymen qatar, 9 jolaýshy men «Ýral» kóliginiń júrgizýshisi aýrýhanaǵa jetkizildi», - dep habarlady oblystyq polıtsııa departamentiniń baspasóz qyzmeti.
Temir aýdandyq aýrýhanasynyń bas dárigeri Esentemir Demegenovtiń aıtýynsha, qazir jol-kólik oqıǵasy kezinde zardap shekkenderdiń bári Keńqııaq aýrýhanasynda jatyr.
«Temir aýdandyq aýrýhanasynan jyljymaly mobıldi top ketti. Quramynda reanımatolog, hırýrg, travmatolog, nevropatolog, rentgenolog bar. Bári qarap, tıisti em júrgizedi. Olardyń jaraqaty ártúrli. Úsh adam oqıǵa ornynda kóz jumǵany belgili. Tasymaldaýǵa múmkindk bolsa ortalyqqa ákeledi. Bir adamnyń jaǵdaıy aýyr», - dedi Esentemir Demegenov.
