Aqtóbe oblysynda jol apatynan 2 adam mert boldy
NUR-SULTAN. QazAqparat - Aqtóbe oblysynda jol apatynan eki adam kóz jumdy, dep habarlaıdy QazAqparat Polisia.kz saıtyna silteme jasap.
Oqıǵa 1 qyrkúıek kúni saǵat 18.25-te Shubarqudyq aýylynan 89 shaqyrym jerde, «Aqtóbe-Bolgarka-Shubarqudyq» avtojolynda boldy.
Aqtóbe qalasynyń 32 jastaǵy turǵyny «VAZ-2110» avtokóligimen Aqtóbe qalasy jaǵynan Shubarqudyq kenti baǵytynda kele jatyp, róldi basqara almaı kólik aýdarylǵan.
Jol-kólik oqıǵasy saldarynan kólik júrgizýshisi men jolaýshy alǵan dene jaraqatynan kóz jumdy.
Sot-medıtsınalyq jáne avtotehnıkalyq saraptamalar taǵaıyndaldy.
QR QK 345-baby 4-bóligi (Abaısyzda eki nemese odan da kóp adamnyń ólimine ákep soqqan jol erejesin buzý) boıynsha sotqa deıingi tergeý bastaldy.
Aımaqtyń bas polıtseıi Atyǵaı Arystanovtyń aıtýynsha, apattar týraly statıstıka jol qozǵalysyna qatysýshylardyń barlyǵy birdeı qaýipsizdikke mán bermeıtindigin kórsetedi.
«Barlyqtaryńyzdy joldarda belgilengen erejelerdi saqtaýdy, jolda júrý mádenıetin qadaǵalaýdy jáne bir-birińizge qurmetpen qaraýdy suraımyz»,-delingen polıtsııa habarlamasynda.
