Aqtóbe oblysynda jetim jıeniniń páterin zańsyz satqan qamqorshyǵa qylmystyq is qozǵaldy
ASTANA. Qyrkúıektiń 23-i. QazAqparat /Ernur Aqanbaı/ - Aqtóbe oblystyq prokýratýrasy óziniń jetim jıenin aldaı otyryp, oǵan muragerlik boıynsha tıesili páterdi zańsyz satqan teris pıǵyldy qamqorshyǵa qatysty qylmystyq is qozǵady. Bul týraly búgin Astanadaǵy aptalyq brıfıngte Bas prokýratýranyń resmı ókili Jandos Ómirálıev aıtty.
Onyń sózine qaraǵanda, prokýratýranyń talap aryzy boıynsha kináli qamqorshydan kámeletke tolmaǵan qyzdyń paıdasyna 2 mln. 399 myń teńge mólsherinde zalal óndirilip alyndy. «Osyǵan uqsas faktiler boıynsha Almaty qalalyq prokýratýrasy da qamqorshylarǵa qatysty eki qylmystyq is qozǵady, olar tergelýde», dedi ol.
