Aqtóbe oblysynda jetim balalardan qamqorshylary 1,6 mln teńge qarjy jymqyrǵan

AQTÓBE. QazAqparat – Aqtóbe oblysynda jetim balalardyń qamqorshylary 1,5 mln teńgeden astam qarjyny jymqyrǵan. QazAqparat bul týraly QR Qarjy mınıstrligi Іshki memlekettik aýdıt komıtetine silteme jasap habarlaıdy.

Aqtóbe oblysy boıynsha Іshki memlekettik aýdıt departamentiniń qyzmetkerleri Hromtaý aýdandyq bilim berý bóliminde aýdıtorlyq tekserý júrgizgen. Onyń barysynda kámeletke tolmaǵan jetim balalardyń tólemderin eki kózden alyp otyrý úshin olardyń qamqorshylary qos-qostan shot ashqandyǵy anyqtaldy.

«Aýdıtorlar Hromtaý bilim basqarmasynda 2018 jyldan bastap 2020 jylǵa deıingi kezeńde jetim balalardyń qamqorshylaryna aýdarymdar belgileýdiń negizdiligin tekserdi.
Osy kezeńde aýdandyq bilim berý bóliminde qamqorshylar úshin «Qazposhta« AQ men «Halyq Banki« AQ-da bir mezgilde osy kart-shottarǵa qarajat aýdarýmen shottar ashylǵany anyqtaldy. ıAǵnı, bir tólem qamqorshylarǵa eki ret tústi, bul «Otbasy jáne neke týraly« QR Zańynyń jáne «Neke (erli-zaıyptylyq) jáne otbasy týraly« QR Kodeksiniń talaptaryn buzý bolyp tabylady», - delingen aqparatta.
Máselen, 2018 jyly - 737,3 myń teńge, 2019 jyly - 876,5 myń teńge, 2020 jyly - 23,9 myń teńge, barlyǵy 1 mln 637,7 myń teńge artyq aýdarylǵan.

«Qazirgi ýaqytta anyqtalǵan buzýshylyqtar somasy 1 mln 637,7 myń teńge bıýdjetke óndirildi.
Osy memlekettik mekemeniń býhgalteri tártiptik jaýapkershilikke tartyldy. Aýdıt materıaldary QR Sybaılas jemqorlyqqa qarsy is-qımyl agenttiginiń Aqtóbe oblysy boıynsha departamentine tapsyryldy», - delingen Іshki memlekettik aýdıt komıtetiniń málimetinde.