Aqtóbe oblysynda jergilikti joldardyń 600-den astam shaqyrymy jóndeledi
AQTÓBE. QazAqparat - Qazaqstan óńirlerinde oblystyq jáne aýdandyq mańyzy bar avtomobıl joldaryn jańǵyrtý jumystary jalǵasýda. Aqtóbe oblysynda osy jyldyń sońyna deıin jolshylar joldardyń 606 shaqyrymyn jańartpaq.
Bul týraly QR Indýstrııa jáne ınfraqurylymdyq damý mınıstrliginiń baspasóz qyzmeti habarlady.
Baspasóz málimetterine qaraǵanda, bıyl munda avtomobıl joldary salasynda 41 joba júzege asyrylyp jatyr. Olardyń ekeýi - joldardy salý, úsheýi – joldardy qaıta jańartý, tórteýi – joldardy kúrdeli jóndeý, 33-i – joldardy ortasha jóndeý jobalary.
Aıta ketý kerek, Aqtóbe oblysynda jaqsy jáne qanaǵattanarlyq jaǵdaıdaǵy jergilikti joldardyń úlesi 56,5 % quraıdy. Jyl sońynda atalmysh kórsetkish 59% deıin ulǵaıtylyp, jaqsy jáne qanaǵattanarlyq jaǵdaıdaǵy jergilikti avtomobıl joldarynyń uzyndyǵy 2,9 myń shaqyrymdy quraıtyn bolady.
Eske salaıyq, óńirdegi jergilikti joldardyń jalpy uzyndyǵy 4,9 myń shaqyrymdy quraıdy. Olardyń 1,2 shaqyrymy - oblystyq, 3,7 shaqyrymy – aýdandyq joldar.
Budan bólek, aımaqta respýblıkalyq mańyzy bar joldardy salý, qaıta jańartý, jóndeý jobalary júzege asyrylýda.
Tıisti jumystar men joldardyń 296 shaqyrymy qamtylatyn bolady.
