Aqtóbe oblysynda jel elektr stansasy salynady
NUR-SULTAN. QazAqparat – Aqtóbe oblysynda jel elektr stansasy salynady. Bul týraly Qazaqstannyń jańartylatyn energetıkasy qaýymdastyǵynyń bas dırektory Arman Qashqynbaev aıtty, dep habarlaıdy QazAqparat tilshisi.
Elordada ótip jatqan Jańartylatyn energııa kózderi jónindegi ІІІ sammıt aıasynda ol Qazaqstanda kún, jel jáne sý energetıkasynan bólek bıo jáne geotermaldy energetıkany damytý josparda bar ekendigin aıtty.
«Qazirgi ýaqytta halyqaralyq ınvestorlar tarapynan úlken qyzyǵýshylyq bar. Degenmen, olardy Qazaqstanǵa tartyp, jańa stansa salǵan kezde qazaqstandyq qamtý jaıyn da umytyp ketýge bolmaıtyndyǵyn barlyq ýaqytta aıtyp otyramyz. Ótken jyly jańartylatyn energııa kózderiniń úlesi 1,3 paıyzdy qurady. 900 MVt-dan astam qýat kózi ornatyldy. Jambyl oblysynyń Býrnyı aýylynda jáne Almaty oblysynda Qapshaǵaıda qýaty 100 MVt bolatyn úlken kún stansasy jumys istep tur. Tipti, Qaraǵandy oblysyndaǵy Saranda nemister kún stansasyn saldy. Osy oraıda klımaty sýyq atalǵan óńirde kún elektr stansasy salyndy degen saýal týyndaýy múmkin. Kún paneli tetikteri avtomobıl nemese basqa da apparattarmen birdeı. Sýyq bolǵan jaıyn jabdyq qyza túsedi. ıAǵnı, sýyq klımatta da tıimdi jumys isteıdi», - dedi ol.
Kún stansalaryn elimizdiń tek qana ońtústik qana emes barlyq óńirinde salý kerek degen oıyn jetkizgen qaýymdastyq basshysy Qazaqstanda aldaǵy ýaqytta salynýy josparlanǵan jobalarǵa da toqtaldy.
«Eń úlken qýaty 44 MVt bolatyn jel stansasy Aqmola oblysynyń Ereımentaý eldi mekeninde tur. Qazir eń úlken joba Aqtóbe oblysynda iske qosylady. Atalǵan óńirde halyqaralyq munaı kompanııasy qýaty 48 MVt-tyq jel stansasynyń jobasyn qarjylandyrdy. Ol taıaýda, kelesi aılardyń ishinde júzege asyrylady. Sonymen qatar jel stansalaryna qatysty jobalar Jambyl men Almaty oblystarynda da júzege asyrylyp jatyr», - dedi A.Qashqynbaev.
