Aqtóbe oblysynda úsh kúnde 4 adam sýǵa ketti
AQTÓBE. QazAqparat – Aqtóbe oblysynda demalys kúnderi 4 adam sýǵa batyp ketti, dep habarlaıdy QazAqparat tilshisi.
Aqtóbe sý qoımasyna 24 jastaǵy er adam batyp ketti. Qutqarýshylar ony úsh saǵattan astam ýaqyt izdep, 8 metr tereńdikten alyp shyqty.
Al Áıteke bı aýdanynyń Qaraburaq aýylyndaǵy Yrǵyz ózeninde 37 jastaǵy aýyl turǵyny mert boldy.
12 shilde kúni Temir aýdany, Sarkól aýylyndaǵy Temir ózeninen 32 jastaǵy er adamnyń denesin polıtsııa qyzmetkerleri alyp shyqty.
Sol kúni Aqtóbe teńizinde mas kúıinde sýǵa túsken qyzdyń sýdan qaıta shyqpaı qalǵany habarlandy. Qutqarýshylar 22 jastaǵy boıjetkendi aman alyp qaldy.
Al Búgin Qobda aýdanynda 49 jastaǵy er adam sýǵa batyp ketti.
«Jazdyń aptap ystyǵynda adamdar ózen jaǵasyn panalaıdy. Biraq karantın kezinde jaǵajaılar jumysyna tyıym salynǵan. Adamdar qaýipti, ruqsat etilmegen aımaqta shomylýdy ádetke aınaldyrdy», - dep habarlady oblystyq TJD baspasóz qyzmetinen.
Aıta keteıik, jyl basynan beri oblysta 15 adam sýǵa batyp, mert boldy. Onyń úsheýi - bala.
