Aqtóbe oblysynda usaq maldan kúl aýrýy anyqtalǵan qojalyq karantınge jabylady

ASTANA. QazAqparat – Aqtóbe oblysynyń Kóptoǵaı aýyldyq okrýginiń aýmaǵynda ornalasqan «Saıat» sharýa qojalyǵynda usaq maldan kúl aýrýy anyqtaldy, dep habarlaıdy QazAqparat tilshisi.

«Aqtóbe oblysy Oıyl aýdany Kóptoǵaı aýyldyq okrýginiń aýmaǵynda ornalasqan «Saıat» sharýa qojalyǵynda usaq mal arasynan sheshek (kúl – avtor túsindirmesi) aýrýynyń anyqtalýyna baılanysty karantın belgilensin. Osy sheshimniń oryndalýyn baqylaýdy ózime qaldyramyn jáne ol resmı jarııalanǵan kúninen bastap qoldanysqa engiziledi», - delingen Ashyq NQA portalynda jarııalanǵan Oıyl aýdany ákimdiginiń sheshim-jobasynda.

Málim bolǵandaı, shekteý sharalaryn qoldanýdy kózdeıtin qujat 16 shildeden bastap kúshine enedi.

Eske salaıyq, buǵan deıin usaq maldan anyqtalǵan kúl aýrýyna baılanysty ShQO-daǵy eki aýyl karantınge jabylǵan edi.

Sondaı-aq, birneshe aı buryn Katonqaraǵaı aýdanynda 200-den astam usaq maldan kúl aýrýy anyqtaldy.