Aqtóbe oblysynda turǵyn úıde bolǵan gaz jarylysy tekserilýde
ASTANA. QazAqparat - Aqtóbe oblysynyń Temir aýdany Keńqııaq kentinde gaz jarylyp saldarynan ara jabyndy plıta qulaǵan bolýy yqtımal. Bul aqparatty QR ІІM TJK-nyń resmı ókili Rýslan Imanqulov naqtylady.
«Úı turǵyndarynan suraý barysynda úıdiń jabyndysy qıraýyna bastapqy sebepshi páterdiń birinde gaz jarylýy sebepshi bolýy yqtımal ekendigi anyqtaldy. Úı eki qabatty, úsh kireberisten turady. 1974 jyly paıdalanýǵa berilgen», - deıdi Rýslan Imanqulov.
Gaz jarylysynan shyqqan órtti sóndirýge 11 qyzmetker men 2 tehnıka jumyldyrylǵan.
«Qazir oqıǵa ornyna Aqtóbe oblysy TJD-nyń kóshpeli órt zerthanasy jiberilgen. Oqıǵanyń mán-jaıy anyqtalady», - deıdi R. Imanqulov.
Buǵan deıin jergilikti BAQ oqys oqıǵa juma kúni túnge qaraı bolǵanyn jazdy. Jarylys bolǵan dybys shyqqan páterde eshkim turmaǵan, kúndiz onda gaz qubyry jóndelip, dánerkerleý jumystar júrgizilgen.
