Aqtóbe oblysynda tumaýǵa qarsy 100 myńǵa jýyq vaktsına satyp alyndy
AQTÓBE. QazAqparat – Aqtóbe oblysynda tumaýǵa qarsy vaktsınany satyp alýǵa 68 mıllıon teńge jumsaldy, dep habarlaıdy QazAqparat tilshisi.
Aqtóbe oblysynda 2019 jyldyń 1 qazanynan búgingi kúnge deıin 221 adam tumaýǵa shaldyqqan. Onyń 46-y júkti áıel, 39-y mektep oqýshysy. Bes sábı de em qabyldady. Al jedel respıratorly vırýstyq ınfektsııaǵa 7 myńnan astam adam shaldyqty. Aýrýshańdyq boıynsha tumaý jáne JRVI belgisinde de ósim bar.
Bıyl tumaýǵa qarsy vaktsınany satyp alýǵa 68 mıllıon teńge jumsalyp, 98 436 dozasy satyp alyndy.
«Aqtóbe oblysyna qajetti vaktsına Reseıden ákelindi. Ekpeden qorqyp, bas tartýdyń qajeti joq. Ózim jyl saıyn ekpe jasatamyn. Nátıjesi kóńilimnen shyǵady», - dedi oblystyq Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Muhtar Serbaev.
Oblystyń bas ınfektsıonısi Meırambek Qurmanǵazınniń aıtýynsha, koronavırýs ınfektsııasy kezinde tumaý da qaýipti.
«Ekeýi de tynys joldaryn, qan tamyrlaryn zaqymdaıdy. Birden eki vırýs juqsa, qıyn bolady. Asa qaýipti topqa kiretin qarııalar, sozylmaly dertke shaldyqqandar men balalarǵa, medıtsına qyzmetkerlerine vaktsınany tegin egýdi josparlap otyrmyz. Josparly vaktsınatsııa, qazan aıynda emes, 15 qyrkúıekte», - dedi Meırambek Qurmanǵazın.
