Aqtóbe oblysynda tirkelmegen 17 qarý tabyldy

AQTÓBE. QazAqparat - 1 qarashadan bastap Aqtóbe oblysynda «Qarý» jedel-aldyn alý is-sharasy júrgizildi, dep habarlaıdy QazAqparat oblystyq polıtsııa departamenti baspasóz qyzmetine silteme jasap.

Aqtóbe oblystyq polıtsııa departamenti baspasóz qyzmetiniń málimetinshe, is-shara kezinde 8457 atys qarýy ıesiniń 5119-y tekserildi. Ol - qarýmen tirkelgen halyqtyń 60,5 paıyzy.

«Osy aralyqta 111 ákimshilik quqyq buzýshylyq anyqtaldy. Onyń ishinde tirkelmegen qarýdy saqtaý jáne alyp júrý faktisi - 18, qarý saqtaý tártibin buzý faktisi - 80, qarýdy qaıta tirkeý tártibin buzý - 13», - dep málim etti Aqtóbe oblystyq polıtsııa departamentiniń baspasóz qyzmetinen.

Jalpy, jedel aldyn alý sharasy kezinde tirkelmegen 17 qarý tabyldy. Onyń ishinde tegis uńǵyly qarý - 13, gaz - 2, travmatıkalyq qarý - 2.