Aqtóbe oblysynda taǵy úsh jol ýchaskesi jabyldy
NUR-SULTAN. QazAqparat – Aýa raıynyń nasharlaýyna baılanysty Aqtóbe oblysynda taǵy úsh jol ýchaskesi jabyldy, dep habarlaıdy QazAqparat QR IIDM Telegram-kanalyna silteme jasap.
8 naýryz kúni elorda ýaqytymen saǵat 17:00-de Aqtóbe oblysynda aýa raıynyń nasharlaýyna baılanysty (boran, joldyń kórinbeýi) «Samara-Shymkent» tas jolynyń 776-836 shaqyrymynda (Belogorka - Hromtaý) jáne 615-710 shaqyrymynda (Qobda - Kúrshisaı) barlyq avtokólik túrleri úshin shekteý salyndy.
Sonymen birge, saǵat 16:30-da «Aqtóbe-Orsk» tas jolynyń 39-136 shaqyrymynda (Sh.Qaldaıaqov aýyly – RF shekarasy) barlyq avtokólik túrleriniń qozǵalysy shekteldi.
Aıta keteıik, buǵan deıin aýa raıynyń nasharlaýyna baılanysty BQO men Aqtóbe oblysynyń joldarynda barlyq avtokólik túrleriniń qozǵalysyna shekteý salyndy.
