Aqtóbe oblysynda taǵy da jol jabyldy
AQTÓBE. QazAqparat - «Samara - Shymkent» tasjolynda taǵy da kólik keptelip, joldar jabyldy, dep habarlaıdy QazAqparat tilshisi.
«Samara - Shymkent tasjolynyń Yrǵyz aýyly qıylysynda, ıaǵnı, Qarabutaq aýylyna qaraı 20 shaqyrym boıy 200-250 kólik tur. Júk kólikteriniń jol jıegine turyp qalýynan keptelis paıda bolǵan. Al Samara - Shymkent tasjolynyń Yrǵyz aýylynan Qyzylordanyń Aral qalasyna qaraı 40 shaqyrymda 60 kólik jınalyp qaldy. Keptelis tasjoldyń 1161-1168 jáne 1181-1185 shaqyrymy aralyǵynda bolyp tur. Sebebi jol óte tar. 1161-1168 shaqyrymy aralyǵyn keptelisten tazartý úshin «QazAvtoJol» mekemesinen eki tehnıka jiberildi. Ekinshi kepteliske úsh tehnıka ketti. Joldaǵy keptelisti joıý úshin Qarabutaq, Yrǵyz aýyldary men Qyzylorda shekarasynda jeńil jáne júk kólikterine shekteý qoıyldy», - dep habarlady oblystyq TJD baspasóz qyzmeti.
Eske salsaq, keshe Samara -Shymkent tasjolynda júzdegen kólik qapr qursaýynda qaldy. TJD qutqarý jumystaryn júrgizip, keshe keshke jeńil kóliktiń júrýine ruqsat berilgen bolatyn.
