Aqtóbe oblysynda shóp tıelgen KamAZ júk kóligi jandy, zardap shekkender bar
ASTANA. Shildeniń 30-y. QazAqparat - Aqtóbe oblysy Hromtaý aýdanynda shóp tıelgen KamAZ júk kóligi jandy, bir adam zardap shekti.
QR Tótenshe jaǵdaılar mınıstrliginen málim etkendeı, keshe, shildeniń 29-y 15 saǵat 35 mınýtta Samara-Shymkent avtojolynyń boıynda ornalasqan Bógetsaı kentinde, 300 teń shóp tıelgen KamAZ avtokóligi jandy. Órt saldarynan kóliktiń 41 jastaǵy júrgizýshisi túrli kúıik jaraqattarymen aýrýhanaǵa jetkizildi.
Jalyn Aqtóbe oblysy boıynsha TJD órtke qarsy qyzmetiniń jeke quramdaǵy 3 adamy men 1 tehnıkanyń kúshimen 2 saǵattan keıin sóndirildi.
