Aqtóbe oblysynda shetelden zańsyz jumys kúshin tartý úshin sheneýnikke para bergen adam ustaldy

QR Ulttyq qaýipsizdik komıteti shetel azamattarynyń Qazaqstan aýmaǵyndaǵy zańsyz kóshi-qon arnalaryn anyqtaý jáne jolyn kesý jónindegi is-sharalardy jalǵastyrýda, dep habarlaıdy QazAqparat komıtettiń baspasóz qyzmetine silteme jasap.

Baspasóz qyzmetiniń habarlaýynsha, 2023 jylǵy 9 qyrkúıekte Ulttyq qaýipsizdik komıteti Aqtóbe oblysy boıynsha departamentiniń jedel ýákilderi zańsyz kóshi-qon arnasynyń jumys isteýine jalpy «qamqorlyq» jasaýy úshin laýazymdy tulǵaǵa para berdi degen kúdikpen Qazaqstan azamatyn ustady.

Aldyn ala málimetter boıynsha bul arna sheteldik jumysshylardy respýblıkadaǵy eńbek qyzmetine tıisti ruqsatsyz tartý úshin paıdalanylǵan.

Para nysany retinde 400 myń teńge somasynda aqshalaı qarajat alyndy.

Qylmystyq kodekstiń 367-babynyń 2-bóligi (aıtarlyqtaı mólsherde jasalǵan para berý) boıynsha sotqa deıingi tergep-tekserý júrgizilýde.

Qylmystyq-protsessýaldyq kodekstiń 201-baby 1-bóligine sáıkes ózge aqparattar jarııa etýge jatpaıdy.