Aqtóbe oblysynda sharýa qojalyǵyna mal aýrýyna baılanysty shekteý engizildi

ASTANA. QazAqparat - Aqtóbe oblysy Áıteke bı aýdany, Áıke aýyldyq okrýgi, Tereńsaı aýylynda ornalasqan «Saıat» ShQ ıesinen 25 qańtarda veterınarııalyq qyzmetine iri qara maldardyń aýrýy týraly habarlama kelip tústi.

Bul týraly QazAqparat QR Aýyl sharýashylyǵy mınıstrlginiń Veterınarııalyq baqylaý jáne qadaǵalaý komıtetiniń baspasóz qyzmetine silteme jasap habarlaıdy.

«Saıat» ShQ-na veterınarlyq mamandarmen baryp, 52 sıyrdyń 6-ýy jem jemeı qoıǵan, al klınıkalyq tekserý kezinde aýyz qýysynda nemese janýarlardyń denesinde qandaı da bir zaqymdaný belgileri bolmaǵan, soǵan qaramastan maldyń aýzynan silekeıdiń kóp mólsherde bólinýi baıqalǵan.

Mal ıesi janýarlardyń aýrý belgileri bıylǵy 23 qańtarda bastalǵanyn túsindirdi. Veterınarııalyq dárigerler veterınarııalyq-sanıtarııalyq erejelerge sáıkes aýyz qýysynan patologııalyq materııal jáne qan synamalary iriktep alynyp, sol kúni jedel tártippen veterınarııa boıynsha ulttyq referenttik ortalyqqa aýsyl, ІQM ınfektsııalyq rınotraheıti, vırýstyq dıareıa, stomatıt jáne ýlanýǵa tekserýge avıakólikpen jetkizildi.

Zerthanalyq zertteýlerdiń nátıjeleri boıynsha aýsyl rastalmady, janýarlar ınfektsııalyq rınotraheıtpen aýyrǵandyǵy jóninde dıagnoz qoıyldy.

Áıke aýyldyq okrýgi ákiminiń sheshimimen «Saıat» sh/q-na shekteý sharalary engizildi jáne Respýblıkalyq epızootııaǵa qarsy otrıad aýrý oshaǵyn joıý boıynsha is-sharalar júrgizý jumystary bastaldy. Jaqyn eldi mekenderde ornalasqan janýarlardy klınıkalyq tekserý jáne halyq arasynda túsindirý jumystary júrgizilýde. Óz kezeginde Veterınarlyq baqylaý jáne qadaǵalaý komıteti Dúnıejúzilik janýarlar densaýlyǵy uıymyn ınfektsııalyq rınotraheıttiń tirkelgeni týraly habardar etti.

Sonymen qatar, bıomaterıal synamalary jaqyn arada Dúnıejúzilik janýarlar densaýlyǵy uıymynyń halyqaralyq referenttik zerthanasyna patogendi qaıta rastaý jáne tıpin anyqtaý úshin jiberiletin bolady.

Aqtóbe oblysynda 2022 jyldyń maýsym aıynan bastap aýsylǵa qarsy vaktsınatsııa júrgizildi, ol úshin respýblıkalyq bıýdjet esebinen oblysqa iri qara malǵa arnalǵan 1,6 mln. doza jáne usaq malǵa 3,7 mln. doza vaktsına bólindi.

«Búgingi tańda aýsylǵa qarsy josparly vaktsınatsııa júrgizý úshin oblysta iri qara malǵa arnalǵan vaktsınanyń 239,8 myń dozasy jáne usaq malǵa arnalǵan vaktsınanyń 1,6 mln. dozasy bar»,-delingen habarlamada.

Osyǵan deıin Aqtóbede iri qaradan aýrý shyǵyp, tekserý bastalǵanyn jazǵanbyz.