Aqtóbe oblysynda saıajaı úıinen 100 keli esirtki tabyldy
ASTANA. QazAqparat - Aqtóbe oblysynda qurylysy aıaqtalmaǵan saıajaı úıiniń jertólesinen 100 keliden astam esirtki tabyldy. Bul týraly QR Іshki ister mınıstrligi Qylmystyq-atqarý júıesi komıtetiniń baspasóz qyzmetinen málim etti, habarlaıdy QazAqparatt tilshisi.
«Keshe, 30 qańtar kúni Aqtóbe oblysy boıynsha QAJ departamenti men Polıtsııa departamentiniń esirtkige qarsy kúres basqarmasynyń qyzmetkerleri saıajaı aýmaǵyndaǵy qurylysy aıaqtalmaǵan úıdiń jertólesinen bes birdeı qytaı sómkesin tapty. Olardy tekserý barysynda salmaǵy 100 keliden astam erekshe ıisi bar, ósimdik tektes zatty anyqtady», - delingen komıtettiń habarlamasynda.
Esirtki zattarynyń «ıesiniń» aıtýyna qaraǵanda, sómkede marıhýana bolǵan. Degenmen, tabylǵan zattyń quramyn sot-hımııalyq saraptama anyqtaıtyn bolady. Qazirgi ýaqytta tabylǵan zatty taldaý jáne sotqa deıingi tergeý amaldary júrgizilip jatyr.
