Aqtóbe oblysynda pnevmonııaǵa shaldyqqandar sany azaıyp keledi
AQTÓBE. QazAqparat – Aqtóbe oblysynda 2 myńǵa jýyq adam ókpe qabynýy dertinen emdelip jatyr. Sońǵy táýlikte 63 adam aýrýhanaǵa jetkizilgen, dep habarlaıdy QazAqparat tilshisi.
Pnevmonııa dertimen kúresip jatqan dárigerler de arnaıy qorǵanys kıimin kıip, únemi betperde taǵyp júredi.
«Aqtóbe oblysynda ókpe qabynýy dertine shaldyqqandar sany azaıyp keledi. Ótken táýlikte 63 adam aýrýhanaǵa jatqyzyldy. Buǵan deıin 100-ge jýyq adam táýlik saıyn emdeý oryndaryna jetkiziletin. Oblys boıynsha statsıonarda 1946 adam em qabyldap jatyr. Onyń 498-i - aýdanda. 728 naýqas ambýlatorııada», - dedi oblys ákiminiń Densaýlyq saqtaý salasy jónindegi keńesshisi Áset Qalıev.
Aıta keteıik, Aqtóbe oblysy Reseıden kelgen mamandardy kútip otyr. Densaýlyq saqtaý mınıstrligine hat joldandy.
«Dárigerlerdi demalysqa jiberý tártibi qatań baqylaýda. Aýyryp, emdelip shyqqandar qaıta jumysqa qosylyp jatyr. Qazirgi ýaqytta 100 medıtsına qyzmetkeri koronavırýs ınfektsııasyn juqtyrdy. Onyń 55-i - dáriger. Al 77 medıtsına qyzmetkeri ókpe qabynýy dertine shaldyqty», - dedi Áset Qalıev.
