Aqtóbe oblysynda órtte er adam kóz jumdy, taǵy biri aýrýhanaǵa tústi
ASTANA. 6 jeltoqsan. QazAqparat - Aqtóbe oblysynyń Shalqar qalasynda túnde saǵat 04.45-te eki qabatty turǵyn-úıdiń birinshi qabatynda ornalasqan páterde órt boldy.
QR TJM-niń baspasóz qyzmetinen habarlaǵandaı, órt bir saǵattan astam ýaqyttan keıin sóndirildi. Tilsiz jaýdy aýyzdyqtaýǵa QR TJM Aqtóbe oblysy boıynsha TJD órtke qarsy qyzmetiniń 7 adamy men 2 tehnıkasy jumyldyryldy. Jalyn sharpyǵan aýmaq 7 sharshy metrdi qurady. Órttiń nátıjesinde 42 jastaǵy er adamnyń máıiti tabyldy, taǵy bir er adam aýrýhanaǵa jetkizildi.
