Aqtóbe oblysynda órtengen avtobýstyń ıesi Tashkentte ustaldy
TAShKENT. QazAqparat - Ózbekstan astanasynda 52 ózbekstandyq órtenip ketken avtobýstyń ıesi, QR azamaty ustaldy, dep habarlaıdy QazAqparattyń menshikti tilshisi.
«Avtobýs Qazaqstan Respýblıkasynyń 46 jastaǵy azamatyna tıesili bolatyn. Ol Qazaqstan Respýblıkasynyń quqyq qorǵaý organdaryna kelmeı, qashyp júrgen. Ol Qazaqstanda QR Qylmystyq kodeksiniń 348-babynyń («Kólik quraldaryn sapasyz jóndeý nemese olardy tehnıkalyq aqaýlarymen paıdalanýǵa shyǵarý») 4-bóligine sáıkes aıyptalyp jatyr», - dep málimdedi Tashkent qalalyq ishki ister bas basqarmasynyń baspasóz qyzmeti.
Ózbekstandyq quqyq qorǵaýshylardyń málimetinshe, 2018 jylǵy 20 qarashada Tashkent qalasynyń Sirgeli aýdanynda jedel-izdestirý sharalary kezinde avtobýstyń memleketaralyq izdeýde júrgen ıesi ustalǵan. Kúdikti ekstradıtsııalaý máselesi sheshilgenge deıin ÓR ІІM Jaza óteýdiń bas basqarmasy mekemesinde bolady.
Kúdiktini QR quqyq qorǵaý organdaryna berý protsedýrasy Qazaqstan men Ózbekstan arasyndaǵy halyqaralyq kelisimderge sáıkes iske asady.
Eske sala keteıik, 2018 jylǵy 18 qarashada, shamamen tańǵy 10:30-da «Samara-Shymkent» avtojolynyń 1068-shaqyrymynda «Kassbohrer» markaly avtobýs janyp ketken bolatyn. Onyń ishindegi 57 adamnan 52 ózbek azamaty qaza tapqan, 5 adamdy kúıik shalǵan.
