Aqtóbe oblysynda órt qushaǵyna oranǵan kezekti dalaly alqap sóndirildi
ASTANA. Shildeniń 4-i. QazAqparat - Aqtóbe oblysynda órt qushaǵyna oranǵan kezekti dalaly alqap sóndirildi, dep habarlaıdy QR Tótenshe jaǵdaılar mınıstrliginiń baspasóz qyzmeti.
Senbi kúni tutanǵan órt Hromtaý aýdanynyń Nıkeltaý aýyldyq okrýginiń 120 gektar dala aýmaǵyn sharpyǵan. Sonymen qatar TJM málimetterine sáıkes, qyzyl jalyn 2,5 gektar ormandy alqapty da qamtyǵan. Abyroı bolǵanda zardap shekkender men qaza tapqandar joq.
Tilsiz jaý sol kúni araǵa shamamen 6 saǵatqa jýyq ýaqytty salyp baryp aýyzdyqtalǵan. Tótenshe jaǵdaıdyń aldyn alýǵa QR TJM Aqtóbe oblystyq tótenshe jaǵdaılar departamenti jeke quramynyń 6 mamany men 2 tehnıkasy, sondaı-aq atalǵan aýyldyq okrýgtiń turǵyndarynan jasaqtalǵan erikti órt sóndirýshilerdiń kúshimen sóndirildi.
