Aqtóbe oblysynda orman alqabyna 2 mıllıon túp kóshet egiledi
AQTÓBE. QazAqparat – Aqtóbeniń ekologııalyq ahýalyn jaqsartý úshin «Jol kartasy» ázirlendi. Bıyl orman sharýashylyǵy mekemeleri orman qorynyń jerine 2 mln túp aǵash egedi, dep habarlaıdy QazAqparat tilshisi.
Aqtóbe oblysy boıynsha 700-den astam qatty qaldyq orny anyqtalyp, onyń basym bóligi joıylyp, zańdastyryldy.
Birqatar aýdan ortalyqtarynda turmystyq qaldyq polıgondarynyń qurylysy bastaldy.
Oıyl, Yrǵyz jáne Áıteke bı aýdandarynyń ortalyqtarynda polıgondar qurylysy josparlandy.
Ótken jyly kásiporyndar sanıtarlyq qorǵaý aımaqtaryna barlyǵy 6 myńnan astam kóshet otyrǵyzdy.
«2021 jyly orman sharýashylyǵy mekemeleri orman qory jeriniń 1 myń gektaryna 2 mln túp kóshet egedi. Sonymen birge eldimekenderdiń aýmaǵyna 420 myń túp kóshet jáne eldimekender ishine 31 myń túp kóshet otyrǵyzylady», - dedi oblystyq ekologııa departamentiniń basshysy Nurjan Aqqul.
