Aqtóbe oblysynda munaıdy zańsyz óndirgen kompanııa basshylyǵy qamaldy

AQTÓBE. QazAqparat – Aqtóbe oblysynda konservatsııalanýǵa tıis bolǵan kenishten munaı óndirip kelgen kompanııanyń basshylyǵy qamaýǵa alyndy, dep habarlaıdy QazAqparat Qarjylyq monıtorıng agenttiginiń baspasóz qyzmetine silteme jasap.

Aqtóbe oblysynda munaı ken ornynda shyǵý zańdylyǵyn rastaıtyn qujattarsyz shıki munaıdy zańsyz óndirý, óńdeý jáne saqtaý faktisiniń joly kesildi.

QMA aýmaqtyq departamenti anyqtaǵandaı, kompanııa zańsyz munaı óndirýdi 2022 jyldan beri konservatsııalanýǵa tıis munaı kenishinde júrgizgen.

Qazirgi ýaqytta kompanııa bas dırektorynyń orynbasary qamaýǵa alynyp, sot sheshimimen oǵan qatysty 2 aıǵa deıin qamaýǵa alý túrindegi bultartpaý sharasy taǵaıyndaldy.

QR QPK 201-babyna sáıkes, tergeý múddesin kózdeıtin ózge de málimetter jarııalanbaıdy.

QR Konstıtýtsııasynyń 77-baby 3-tarmaǵy 1-tarmaqshasyna jáne QR Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.