Aqtóbe oblysynda munaı tasıtyn kólik ıelerine jumys qarastyrylyp jatyr
AQTÓBE. QazAqparat - Munaı tasymaldaıtyn kóligimen kúnkórip júrgen Baıǵanın aýdanynyń turǵyndarynyń jaǵdaıy oblystyq ákimdikte ótken jıynda talqylandy, dep habarlaıdy QazAqparat tilshisi.
Esterińizge salsaq, 2016 jyldyń sońyna qaraı UQK, sybaılas jemqorlyqqa qarsy kúres jáne ishki ister organdary birlesip ótkizgen operatsııa nátıjesinde óńirdegi ken oryndaryndaǵy munaıdy zańsyz urlaýmen aınalysqan uıymdasqan qylmystyq toptyń joly kesilgen bolatyn. Belgilisi, munaıdy zańsyz tasymaldaýǵa Baıǵanın aýdanynyń turǵyndary úshin jalǵyz tabys kózi bolyp sanalatyn munaı tasyǵysh kólikteri paıdalanylǵan. Osyǵan baılanysty, Berdibek Saparbaev munaı tasıtyn kólik ıelerin jumyspen qamtý úshin jańa jumys oryndaryn ashyp, olardy soǵan ornalastyrýdy tapsyrdy.
Arnaıy operatsııa barysynda urlanǵan munaıdy satyp alýshylar men iri uıymdastyrýshylar, kólik júrgizýshileri ustaldy. Qazirgi tańda arnaıy operatsııaǵa baılanysty qyzmetin ýaqytsha toqtatqan kásiporyn óz jumystaryn qaıta qalpyna keltirdi.
Zada Zeıin
