Aqtóbe oblysynda muǵalimderdiń 100 paıyzy vaktsına aldy
«1 qyrkúıekten bastap mektep oqýshylary jańa oqý jylyn dástúrli formatta bastaıdy. Barlyq bilim berý uıymdarynda sanıtarlyq talap qatań saqtalady. Úkimettiń arnaıy vedomstvoaralyq komıssııasynyń sheshimimen 1 qyrkúıekten bastap barlyq mektepter oqýdy dástúrli formatta bastaýy kerek. Osyǵan sáıkes elimizdiń Bas memlekettik sanıtarııalyq dárigeriniń, Aqtóbe oblysy Bas memlekettik sanıtarııalyq dárigeriniń qaýlylary shyǵaryldy. Osy qaýlylarǵa sáıkes barlyq mektepte sanıtarlyq jaǵdaı tolyq tekserildi. Mektepterde oqýshylar arasynda aýrýdyń taralýyn boldyrmaý jóninde arnaıy sharalar qabyldandy», delingen habarlamada.
Óńirdegi barlyq muǵalim, tehnıkalyq qyzmetker 100 paıyz vaktsına alǵan.
«1 qyrkúıekten bastap barlyq mektepterde arnaıy fıltr uıymdastyrylyp, oǵan arnaıy mamandar bekitiledi. Mektepterde burynǵydaı kabınettik júıe bolmaıdy, ár synyp óz klasynda oqıdy. Qońyraýda ár synyp oqýshylarynyń bir-birimen kezdespeýi jóninde arnaıy sharalar qoldanylady. Ashanaǵa da ár synyptyń balalary bólek-bólek barýǵa tıis. Dezınfektsııalyq sharalar kúsheıtiledi. Mektepke tek vaktsına alǵan muǵalimder ǵana kirgiziledi», delingen habarlamada.
Ata-analar Ashyq júıesi arqyly (jasyl mártebesi bolǵanda ǵana) kire ǵımaratqa alady. Osyndaı naqty sharalardyń nátıjesinde mektepterde ınfektsııanyń taralýyna jol berilmeıdi.
«Epıdemıologtar, sanıtar dárigerler, emdeý mekemelerindegi dárigerler turǵyndardy vaktsına alýǵa shaqyryp otyr. Vaktsına almaıynsha, bul aýrýdy tolyq jeńý múmkin emes. Sebebi vırýs mýtatsııalanýy múmkin», delingen habarlamada.
