Aqtóbe oblysynda mototsıklden aýdarylǵan jigit kóz jumdy
AQTÓBE. QazAqparat – Aqtóbe oblysy Temir aýdanynda mototsıkl aýdarylyp, 30 jastaǵy jigit oqıǵa ornynda mert boldy, dep habarlaıdy QazAqparat tilshisi.
Temir aýdany Jambyl aýylynyń turǵyny «LTM» mototsıklimen kele jatyp, rýlge ıe bola almaı qalǵan. Saldarynan ol oqıǵa ornynda kóz jumdy.
«Rýlge otyrǵan adamnyń mototsıkldi basqarýǵa quqyǵy joq ekendigi anyqtaldy. Qazirgi kezde osy oqıǵaǵa baılanysty sotqa deıingi tergep-tekserý júrip jatyr. Polıtsııa departamenti kólik júrgizýshilerine jol erejelerin qatań saqtaýǵa shaqyrady», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, Aqtóbe-Atyraý tasjolynyń Alǵa aýdany Tamdy aýyly mańynda «ÝAZ-patrıot» avtokóliginiń júrgizýshisi qarsy kele jatqan kólikterge kedergi keltirmeıtinine kóz jetkizbeı basyp ozyp, «Lada - Largus» kóligimen soqtyǵysqan.
Saldarynan eki adam kóz jumdy.
Sondaı-aq Batys Qytaı - Batys Eýropa halyqaralyq dálizinde «SHACMAN» avtokóliginiń 47 jastaǵy júrgizýshisi Mártók aýdanynan Aqtóbe qalasyna qaraı kele jatyp, rýlge ıe bola almaı joldyń qarsy baǵytyna shyǵyp ketti . Eki júrgizýshi de kóz jumdy.
