Aqtóbe oblysynda MI-8 tikushaǵy apatty jaǵdaıda qondy
ASTANA. QazAqparat - Aqtóbe oblysynyń Shalqar aýdanynyń turǵylyqty pýnktine jaqyn mańda «Evrazııa-Eır» kompanııasyna tıesili MI-8 tikushaǵy apatty jaǵdaıda qondy, dep habarlaıdy «QazAqparat» HAA tilshisi.
Bul týraly QR Investıtsııalar jáne damý mınıstrligi Azamattyq avıatsııa komıtetinen habarlaıdy.
«Zardap shekkender joq. Oqıǵa ornynan quramynda 3 adam bar tikushaq ekıpajy men bir jolaýshy avtokólikpen Bozoı stantsııasyna jetkizildi», - dep habarlaıdy vedomstvodan.
Qazirgi ýaqytta QR Investıtsııalar jáne damý mınıstrliginiń Kólik oqıǵalary men oqys oqıǵalardy tekserý departamenti atalǵan is boıynsha tergeý amaldaryn júrgizip jatyr.
