Aqtóbe oblysynda mektep oqýshysynyń ólimine qatysty is bir jyldan beri tergelip jatyr
AQTÓBE. QazAqparat - Aqtóbe oblysynyń Áıteke bı aýdanyndaǵy Mıly aýylynda byltyr sáýir aıynda 7 jastaǵy Saıan Jaqsylyqtyń óli denesi tabylǵan bolatyn. Birneshe sot-medıtsınalyq saraptama taǵaıyndaldy. Biraq qylmystyq isti tergeý jumystary áli júrip jatyr, dep habarlaıdy QazAqparat tilshisi.
Óńirdiń Áıteke bı aýdanyna qarasty Mıly aýlynda ótken jyldyń 27-sáýirinde 7 jastaǵy Saıan Jaqsylyqtyń óli denesi tabyldy. Bala mektepke bet alyp, keıin iz-túzsiz joǵalyp ketken. Aýyl turǵyndary men polıtseı\ler izdep onyń óli denesin tapty. Sodan beri aýdandyq ishki ister bólimi birneshe sot-medıtsınalyq saraptama taǵaıyndap, kúdiktilerdi izdedi. Kúte-kúte shydamy taýsylǵan Saıan Jaqsylyqtyń anasy G.Seıitova aýdanǵa jumys saparymen barǵan oblys ákimi Berdibek Saparbaevtan kómek surady . Sol kezde Astana men Atyraýda ǵana jasalatyn saraptamany kútip otyrǵanyn málimdegen polıtsııa qyzmetkerleri áli bir sheshimge kelmepti.
«Men aýdan ákimi retinde bul isti baqylap otyramyn, biraq tergeý jumystarymen arnaıy organdar aınalysady. Apta saıyn aýdandyq prokýratýra men tergeýshilerden istiń mán-jaıyn bilemin. Sonymen qatar, oblystyq ishki ister departamenti, oblystyq prokýratýra únemi qadaǵalap otyr. Bul is boıynsha áli de tergeý júrip jatyr, jabylǵan joq. Tergeý qupııalylyǵyna baılanysty naqty derek aıta almaımyn. Ata-anasy maǵan habarlaspady», - dedi Áıteke bı aýdanynyń ákimi Málimbet Ibrashev.
