Aqtóbe oblysynda mal azyǵyna qosymsha qarjy bólindi

AQTÓBE. QazAqparat – Aqtóbede mal azyǵyna beriletin sýbsıdııa jetpeı, jergilikti bıýdjetten qosymsha qarjy bólindi, dep habarlaıdy QazAqparat tilshisi.

Aqtóbede oblysynda aýyl sharýashylyǵy salasynda ósim bar.

Ótken jyly agroónerkásip keshenin damytý maqsatynda 19 mıllıard teńgeden astam qarjy bólindi.

Mal sharýashylyǵyn sýbsıdııalaý kezinde jemshóp satyp alýǵa 4,4 mıllıard teńge bólinip, qarjy keıbirine jetpeı qaldy.

«Sharýashylyqtardyń ótinimi jınalyp, aqpan aıynda 1 mıllıard teńge bólýdi josparlap otyrmyz. 2020 jyly sharýashylyqtarǵa 25 mıllıard teńge nesıe berildi. Іri qara 17, jylqy 23, qoı-eshki 2,3 paıyzǵa artty. Qazirgi kezde bul baǵyttaǵy jumys jalǵasyp jatyr», - dedi oblystyq aýyl sharýashylyǵy basqarmasynyń basshysy Qusaıyn Sársembaı.

Aıta keteıik, óńirde kóktemgi egis naýqanyna daıyndyq jumysy bastaldy.

Qazirgi kezde 7900 myń tonna janar-jaǵarmaıǵa suranys berildi.

Tehnıkany jóndeý, jańartý jumysy júrip jatyr.

«Bıyl 787 gektar jerge dán sebiledi. Qajetti 40 myń tonna tuqym bar. Taǵy 1,5 myń tonna joǵary surypty tuqym satyp alyndy», - dedi Qusaıyn Sársembaı.