Aqtóbe oblysynda quqyqbuzýshylyq azaıdy - halyqaralyq konferentsııa
AQTÓBE. QazAqparat - Búgin Aqtóbe oblysynyń ákimi Ońdasyn Orazalınniń qatysýymen «Quqyqbuzýshylyqty eskertý men onyń aldyn alýdaǵy qoǵamnyń róli jáne quqyq qorǵaý organdarymen ózara áreket» taqyrybynda halyqaralyq ǵylymı-tájirıbelik konferentsııa ótti.
Atalmysh shara Aqtóbe qalasynyń 150 jyldyǵyna arnalyp otyr, dep habarlaıdy Aqtóbe oblysy ákiminiń baspasóz qyzmeti.
Jıynǵa QR Parlamenti Senatynyń depýtattary, Konstıtýtsııalyq quqyq, sot júıesi jáne quqyq qorǵaý organdary komıtetiniń múshesi Marat Taǵymov, Agrarlyq máseleler, qorshaǵan ortany qorǵaý jáne aýyldyq aýmaqtardy damytý komıtetiniń múshesi Muhtar Jumaǵazıev, QR Parlamenti Májilisiniń Zańnama jáne sot-quqyqtyq reforma jónindegi komıtetiniń tóraǵasy Nurlan Ábdirov, QR ІІM Ákimshilik polıtsııa komıtetiniń tóraǵasy Maqsat Baıbolov qatysty.
Sondaı-aq onda Aqtóbe oblystyq Polıtsııa deparatamentiniń bastyǵy Atyǵaı Arystanov, oblys prokýrory Marat Qaıbjanov jáne jalpy 250-ge jýyq mamandar qatysty. Konferentsııaǵa 12 aýdannyń ákimderi onlaın rejıminde qatysyp otyrdy.
Sharaǵa qonaq retinde Reseıdiń Ekaterınbýrg, Orynbor qalalarynan Maksım Cherepanov, Vıtalıı Popov, Elena Mışenko syndy quqyq salasynyń ǵalymdary men oqytýshylar keldi.
Jıyn barysynda quqyqbuzýshylyqtyń aldyn-alý, onymen qalaı kúresý qajettigi baǵytynda keń aýqymdy máseleler kóterilip, olar boıynsha ózara pikir almasyldy.
Onda azamattardyń tergeý jumystarynyń júrgizilýine atsalysý belsendiligi tómen ekendigi aıtylyp, normatıvti-quqyqtyq retteýlerdi azamattardyń qatysýymen jetildirý, áleýmettik jelilerde zańdyq talaptardyń oryndalý deńgeıine qatysty birneshe másele talqyǵa tústi.
Mamandardyń málimetinshe, elimizde qylmys sany jyldan jylǵa azaıyp otyr. Onyń ishinde Aqtóbe oblysynda ótken jyldyń osy kezeńimen salystyrǵanda quqyqbuzýshylyq deńgeıi 12,3% tómendegen. Máselen, jyl basynan beri 4339 quqyqbuzýshylyq tirkelse, ótken jyly bul kórsetkish 4978-di kórsetken.
Oblys ákimi Ońdasyn Orazalın eń bastysy, halyqtyń qaýipsizdigin qamtamasyz etý, azamattardyń quqyqtaryn iske asyrý maqsatyndaǵy jumystarǵa erekshe kóńil ból qajettigin aıtty.
«Quqyqbuzýshylyqtyń aldyn alý úshin qoǵam bolyp kúresý kerek. Osy basqosý quqyqtyq memlekettiń qalyptasýyna qosymsha qadamdar jasaýǵa kómektesedi dep senemin»,-dedi oblys ákimi.
Konferentsııaǵa kelgen qonaqtar aımaq basshysyna jıynnyń joǵary dárejede uıymdastyrylǵanyna alǵys aıtyp, basqosýdy turaqty túrde ótkiziletinine senim bildirdi.
