Aqtóbe oblysynda «Quqyq tártibi» sharasynyń alǵashqy kúninde 10 mas júrgizýshi ustaldy
AQTÓBE. QazAqparat – Aqtóbe oblysy aýmaǵynda polıtseıler 11-13 jeltoqsan aralyǵynda «Quqyq tártibi» jedel aldyn alý sharasy ótkizýi tıis.
Atalmysh ara oblys aýmaǵynda kósheler men qoǵamdyq oryndarda qylmystardyń aldyn alý, quqyqqa qarsy is-áreketterdiń jolyn kesý, sondaı-aq ákimshilik-quqyq buzýshylyq derekterin anyqtaý maqsatynda uıymdastyrylǵan.
Іs-sharanyń 1-shi kúniniń nátıjesi boıynsha tirkelgen 25 qylmystyń 16-nyń izi sýymaı ashyldy. Sondaı-aq izdeýde júrgen 3 adam ustaldy. Sondaı-aq tyıym salynǵan zattar, ıaǵnı qarý-jaraq jáne sýyq qarý ustaýdyń 35 deregi, esirtki zattaryn tasymaldaýdyń 1 deregi, tirkelmegen atys qarýyn jáne oq-dárilerdi zańsyz alyp júrýdiń 2 deregi, sýyq qarý (pyshaq) alyp júrýdiń 30 deregi anyqtaldy.
Sondaı-aq barlyǵy 650 ákimshilik quqyq buzýshylyq deregi tirkelip, onyń 74-i usaq buzaqylyq deregi bolsa, 10júrgizýshi kólikti mas kúıinde basqarǵan.
