Aqtóbe oblysynda qoı júninen jylý saqtaıtyn materıal óndiretin zaýyt salynady

ASTANA. QazAqparat – Aqtóbe oblysynda ıtalııalyq tehnologııa negizinde qoı júninen jylý saqtaıtyn materıal óndiretin zaýyt salynady, dep habarlaıdy QazAqparat tilshisi.

Bul týraly oblys ákimi Eraly Toǵjanov ortalyq kommýnıkatsııalar qyzmetinde ótken brıfıngide málim etti.

«Qazaqstandaǵy eń úlken máseleniń biri – qoıdyń júnin óńdeý. Qaı jerge barsań da, qaı aýylǵa barsań da qoıatyn suraqtary – qoıdyń júnin óńdeý máselesi. Osy máseleni sheshý úshin biz ıtalııalyq kompanııamen birge jylý saqtaıtyn materıaldar óndiretin zaýyt salýdy josparlap otyrmyz. Osy jyldyń ortasynan keıin aýyl halqynan 2000 tonnaǵa deıin jún jınaýdy kózdep otyrmyz. Ol týraly aýylda turatyn azamattardyń bári jaqsy biledi. Jobany osy jyldyń aıaǵyna deıin salý josparlanǵan», - dedi Eraly Toǵjanov.