Aqtóbe oblysynda koronavırýstyń «omıkron» shtamy anyqtalǵan joq

AQTÓBE. QazAqparat – Aqtóbe oblysy qazirgi kezde koronavırýstyń taralýy boıynsha epıdahýaldyń «jasyl» aımaǵynda tur. Óńirde indettiń «omıkron» shtamy anyqtalmady, dep habarlaıdy QazAqparat tilshisi.

«Nur-Sultan qalasyndaǵy «Ulttyq saraptama ortalyǵy» RMK fılıalynyń molekýlıarlyq-genetıkalyq zertteýler zerthanasynyń málimetteri boıynsha Aqtóbe oblysynda VOCDelta jáne VOCDelta + shtamynyń K417N «úndi shtamy» bary anyqtaldy. Al «omıkron» shtamy tabylmady»,- dep habarlady Aqtóbe oblystyq Sanıtarııalyq-epıdemıologııalyq baqylaý departamentiniń baspasóz qyzmetinen.
Búgingi kúni Aqtóbe oblysy «jasyl» aımaqta tur. Bir táýlikte 34 jaǵdaı tirkeldi. Aqtóbe qalasymen qatar Alǵa, Baıǵanın, Mártók aýdandarynda aýyryp, em izdegender bar.