Aqtóbe oblysynda koronavırýs juqtyrǵandar eki ese kóbeıdi

AQTÓBE. QazAqparat – Aqtóbe oblysynda osy aptada vırýs juqtyrý kórsetkishi eki ese artty. Qazir 18 naýqas ınfektsııalyq statsıonarda em qabyldap jatyr, dep habarlaıdy QazAqparat tilshisi.

Aqtóbe oblysynda qańtar aıynda - 7462, aqpanda - 1454, naýryzda - 27, sáýirde - 4, mamyr aıynda - 3, maýsymda 2 adamnan koronavırýs ınfektsııasy anyqtaldy. Shilde aıynda 335 adamnyń PTR synamasy oń mán kórsetti.

«Qazirgi ýaqytta 237 naýqas úıinde karantınde jatyr. Barlyǵyna medıtsınalyq baqylaý júrgiziledi. Ótken aptaǵa qaraǵanda aýrýshańdyq kórsetkishi 2,2 esege ósken. Naýqastardyń 80% Aqtóbe qalasynyń turǵyny ári kóbi vaktsına saldyrmaǵan», - dedi oblystyq Sanıtarııalyq-epıdemıologııalyq baqylaý departamentiniń basshysy Raıhan Qoıshanova.

Qazir Aqtóbe oblysy boıynsha 112 kereýet daıyndalyp, jumys istep tur. Barlyq aýdanda ınfektsııalyq statsıonar bar. Infektsııalyq kereýet júktemesi 18%, al reanımatsııadaǵy kereýet júktemesi 5% qurap otyr.

«Aqtóbe oblysy boıynsha 442 myńnan astam adam vaktsına saldyrdy, 223 myńnan astamy revaktsınatsııadan ótti, 20 600-den astam adam qaıta revaktsınatsııa qabyldady. Qazir bizdegi qalalyq jáne aýdandyq emhanalarda Sinopharm jáne QazVac vaktsınalary bar. Sondyqtan baryp, vaktsına saldyrǵan jón», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.