Aqtóbe oblysynda kópqabatty úı órtendi, 3 adam ysty gazǵa ýlandy
ASTANA. 16 shilde. QazAqparat - 15 shilde kúni saǵat 23.01-de Aqtóbe oblysy Muǵaljar aýdanynyń Jem qalasynda, Jastar kóshesi boıynda ornalasqan 5 qatatty kóppáterli úıde 2 qabattaǵy qoımada órt boldy.
Bul týraly QR TJM-niń baspasóz qyzmeti habarlady.
Órt saǵat 00.10-da sóndirildi. Tilsiz jaýdy aýyzdyqtaýǵa QR TJM Aqtóbe oblysy boıynsha TJD órtke qarsy qyzmetiniń 3 adamy men 1 tehnıkasy jumyldyryldy.
Jalyn sharpyǵan aýmaq 18 sharshy metrdi qurady. Kómirqyshqyl gazyna ýlanǵan 42 jáne 33 jastaǵy eki er adam jáne 24 jastaǵy qyz aýrýhanaǵa jetkizildi.
