Aqtóbe oblysynda kólik qozǵalysy shekteldi
NUR-SULTAN. QazAqparat - Aqtóbe oblysynda aýa raıynyń qolaısyzdyǵyna baılanysty kólik qozǵalysy shekteldi, dep habarlaıdy QazAqparat QR IIDM baspasóz qyzmetine silteme jasap.
«18 naýryz kúni Nur-Sultan ýaqytymen 22:00-de Qazaqstannyń batys óńirinde, sonyń ishinde Aqtóbe oblysynda aýa raıynyń qolaısyzdyǵyna baılanysty «Samara-Shymkent» tasjolynyń 394-526 km. aralyǵy, ıaǵnı Jampıty eldimekeni men Aqtóbe oblysy shekarasy aralyǵyndaǵy jol bóliginde júk jáne qoǵamdyq kólikterdiń qozǵalysy shekteldi» delingen habarlamada.
Buǵan deıin Bórli-Aqsaı-Jympıty (38-159 km), Jympıty-Qaratóbe (0-103 km), Prıýral-Aqsaı (0-35), Úlken Shaǵan-Peremetnyı (0-42 km), Oral-Kırsanov (1-83 km), Barbastaý-Aqjaıyq-Inderbor (0-108 km), Tasqala-Aqqýraı-Bolashaq-RF shekarasy (0-157 km), Ańqaty-Saryómir (0-64 km) jáne Fedorov-Aqsaı (0-82 km) joldarynda barlyq avtokólik túrleri úshin qozǵalys shektelgenin habarlaǵan edik.
