Aqtóbe oblysynda kólik qaqqan velosıpedshi oqıǵa ornynda kóz jumdy
ASTANA. QazAqparat – Aqtóbe oblysynda jeńil kólik qaǵyp ketken 50 jastaǵy velosıpedshi oqıǵa ornynda kóz jumdy, dep habarlaıdy QazAqparat POLISIA.KZ telegram kanalyna silteme jasap.
21 qazan saǵat 00.35-te Temir aýdanyna qarasty Aqtóbe - Astrahan avtojolynyń 175-shaqyrymynda, Jaqsymaı aýyly mańynda Shubarqudyq aýylynan Qandyaǵash qalasyna qaraı baǵyt alǵan Lada 210740 avtokóliginiń 27 jastaǵy júrgizýshisi 50 jastaǵy velosıpedshini qaǵyp ketti.
Velosıpedshi alǵan jaraqattarynan jol-kólik oqıǵasy ornynda qaıtys boldy.
Atalmysh fakti boıynsha QR QK-niń 345-baby 3-bóligimen sotqa deıingi tergeý bastaldy.
Foto: zelaomos.news
