Aqtóbe oblysynda qoldan daıyndalǵan alkogol satý dereginiń joly kesildi

AQTÓBE. QazAqparat – QR Qarjylyq monıtorıng agenttiginiń Aqtóbe oblysy boıynsha aýmaqtyq departamenti jalǵan esepke alý-baqylaý tańbalary bar sýrrogat alkogol ónimin daıyndaý jáne ótkizý dereginiń jolyn kesti, dep habarlaıdy QazAqparat.

Aqtóbe oblysynyń turǵyny óz úıinde alkogol ónimderin jasap, ydystarǵa quıyp, keıinnen oblystyń saýda oryndaryna ótkizgen.

Júrgizilgen jedel-izdestirý sharalary barysynda 600 lıtr spırt, jalǵan EBM, zattańbalar, quıýǵa arnalǵan ydystar, sondaı-aq 7 myńǵa jýyq bótelke daıyn alkogol ónimi tárkilendi.

Atalǵan derek boıynsha sotqa deıingi tergep-tekserý júrgizilýde.

«Zańsyz aınalymǵa túsetin alkogol ónimderiniń negizgi bóligi kóbinese antısanıtarııalyq jaǵdaıda, jerasty tsehtarynda nemese úıde jasalady. Bul rette, etıl spırti spırttik ishimdikterdi qoldan óndirýdiń basty komponentteriniń biri bolyp tabylady. Adam aǵzasyna túskennen keıin ol densaýlyqqa aýyr zardaptary bar ýlanýdy týdyrýy múmkin»,-delingen QR Qarjylyq monıtorıng agenttiginiń baspasóz qyzmeti taratqan aqparatta.