Aqtóbe oblysynda kóktaıǵaqtan birneshe avtojol jabyldy
AQTÓBE. QazAqparat - Aqtóbe oblysynda birneshe baǵytta joldar jabyldy, dep habarlaıdy QazAqparat tilshisi.
Oblystyq tótenshe jaǵdaılar departamentiniń habarlaýynsha, Aqtóbe-Atyraý tasjolynyń Qaraýylkeldi aýylynan Atyraý oblysyna deıingi aralyǵynda qozǵalys úshin shekteý qoıyldy. Sonymen birge Shubarqudyq-Qobda aýdandarynyń aralyǵy jabyldy.
«Sazdy-Shubarqudyq, Qopa-Qaraýylkeldi aýyldarynyń arasy da kóktaıǵaq. Aqtóbe qalasynan Batys Qazaqstan oblysynyń shekarasyna deıin qozǵalysqa shekteý qoıyldy», - dedi oblystyq Polıtsııa departamenti bóliminiń bastyǵy Erkin Ótegen.
Buǵan deıin aýa raıynyń nasharlaýynan Batys Qazaqstan oblysynda respýblıkalyq trassa jabylǵanyn jazǵan bolatynbyz.
