Aqtóbe oblysynda keshiktirilgen poıyzdardyń jolaýshylaryna bılet quny qaıtarylady

ASTANA. QazAqparat - Aqtóbe oblysynda júk vagondarynyń joldan shyǵyp ketýine baılanysty keshiktirilgen poıyzdardyń jolaýshylaryna bılet quny óteledi.

«Árıne, bıletke jumsalǵan aqshanyń quny qaıtarylady. Jolaýshylar jetken boıda otyrǵyzý talonymen kassaǵa barýy kerek. Atap aıtqanda, aqshany qaıtarý boıynsha naqty aqparat kassada túsindiriledi», - dep habarlady «Qazaqstan Temir Joly» AQ anyqtama qyzmetinen. 
Esterińizge sala keteıik, 31 shildede saǵat 02:10-da Aqtóbe jol bólimshesi Nıkeltaý-Áıteke bir joldy ýchaskesinde Josa-Qudyqsaı aralyǵynda ken artylǵan 22 júk vagony joldan shyǵyp ketti. Oqys oqıǵadan eshkim zardap shekpedi. Bul oqıǵaǵa baılanysty  №20 «Astana-Atyraý» jáne №88 «Astana-Aqtóbe» eki jolaýshylar poıyzy kesteden keshikti. Qazirgi kezde atalǵan jelide qozǵalys jandanyp, poıyzdar keste boıynsha júrip jatyr.